امتحان عربي فقط على موقع ماى ايجى وبس ههههههههههههههههههه

امتحان عربى جامد جدا

السؤال الأول: التعبير:

اكتب ما لا يقل عن 650 سطر فى أحد الموضوعات التالية

- لم يجد الطفل غير الشارع ملجأ
نظرا لحالة البلد الهباب..فاتجه إلى السرقة والقتل والحشيش..حتى نال جزاءه
وقبض عليه متلبسا بباكتة بانجو.اكتب قصته مع تسليم الحِرز للباشا مراقب
اللجنة
- شهدت بلدنا الحبيبة نهضة فى مجال التشييد والبناء
وخصوصا بعد وصول سعر الحديد إلى 6500 جنيه للطن.. اكتب ما يمليه عليك
ضميرك على أن يبدأ موضوعك بعبارة أنا باشتغل فى حديد عز
- بعد انتشار ظاهرة أكل لحم الكلاب والحمير.. من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقبـ

ــــــــــــــــــــــــــــــــــــــــــــــــــ ــــــ
السؤال الثانى: القصة:

من قصة ' وعهد الله ما انت داخل الانتخابات' .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى
الانتخابات يامعفن؟؟ دانت عايز معجزة..مش كفاية بتاكلوا لحمة ومستورين..
عايزين إيه تانى؟

- ما هي اللحمة؟ أو على الأقل حدد أقرب معنى خيالي لها
- مرادف معجزة في اللغة (تغيير وزاري – زيادة المرتبات – رغيف العيش) اختر يا قليل البخت
- لماذا ضربه الرجل بالجزمة وليس بالعصي مثلا؟؟
- أهو كسل .. لسة هيرفع العصاية؟ - عشان العصاية قلة
قيمة برضه واحنا فى عصر الديمقراطية – عشان العصاية شغالة بس مش فى
الضرب.. افهم انت بقى اختر
- حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــ ــــــــــ
السؤال الثالث: القراءة:

من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التي أكدت أنه مرشح
لوزارة الثقافة.. وأكد أنه فنان فقط وليس سياسيا الخبر حقيقي كما أنه يرحب
بالتوريث ومقتنع بكل سياسات الحكومة
- في رأيك هل يصلح عادل إمام لوزارة الثقافة أم لوزارة الصناعة باعتبار أنه صرح في فيلم السفارة في العمارة أنه بيحب المَكَن؟؟
- ذكرنا في الدرس أن عادل إمام سيتقاضى في فيلمه القادم 12 مليون جنيه.. في رأيك ياعم المحروم تبقى البوسة بكام في الفيلم؟؟
- دخل كاتب هذه السطور مسرحية بودي جارد للزعيم رغم
قرفه منه أساسا.. في رأيك ما السبب في دخوله؟ أكيد معزوم – طبيعي معزوم –
وربنا معزوم.. اختر على أن تضع أيدك على المصحف وأنت بتحلف للمراقب بتاع
اللجنةـ
ــــــــــــــــــــــــــــــــــــــــــــــــــ ـــــــــــ

السؤال الرابع: النصوص:

أجب عن أحد النصين الآتيين

من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت في عز ماتحزن تمشى ف شوارعها وتشكى لها

- بعد رغبة صاحبة النص في أن تلد
ابنتها في أمريكا لتحصل على الجنسية الأمريكية..اختر..ما المقصود بنيلها
في النص؟ المسيسبي - الأمازون – يونج يانج
- هذا النص من نصوص الحزب الوطني والدليل وجود اسم مهم من قيادات الحزب في النص.استخرج الاسم..وبوسه من بُقـُّه ورجَّعُه مكانه
- أكمل الأبيات إلى آخر كحكة في الكليب
- قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخي يا جارية .. كلف يا سيدي
ــــــــــــــــــــــــــــــــــــــــــــــــــ ـــــــ
من نص (حين ميسرة)..أجب عن الآتى

- اذكر اسم مصيبة واحدة محصلتش في النص الأسود ده
- وضح عبقرية أحمد بدير الإرهابي في النص وهو يكتب
رسالة على الكمبيوتر باستخدام أزرار الأرقام فقط ومفيش حروف.. ويعطى أمر
التنفيذ بزرار قايمة ستارت مش بإنتر. كمبيوتر إرهابي بقى
- في نصي ويجا وخيانة مشروعة وضح خالد يوسف هستيريا
الجنس في الطبقات الغنية.. وفى نص حين ميسرة وضح خالد يوسف هستيريا الجنس
في الطبقات الفقيرة..عشان خطري.. اذكر مع
كامل البيانات أماكن هذه الهستيريا في المعادى
- اختر سبب وجود الشرطة كل خمس دقائق في النص موسم
ترقيات عقبال أملتك ولازم شغل – أخو خالد يوسف ضابط ولازم يخدم أخوه –
عشان الشرطة بتراقب قسم البوليس اللي جنب أحداث النص
ــــــــــــــــــــــــــــــــــــــــــــــــــ ـــــــــ
السؤال الخامس: النحو:

- أعرب ما تحته خط.. لو مالقيتش القطعة أصلا ..أتصرف
- ذهب الرئيس إلى المؤتمر .. ضع الجملة السابقة في صيغة المثنى.. ماعدا الرئيس طبعا يا كلب
- كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
- فُرِضت الضرائب علينا ببشاعة ..أعرب الجملة... وارفع الضرائب أبوس أيدكــــــــــــــــــــــــــــــــــــــــــــــ
السؤال السادس: الخط:

كوز المحبة أنخرم..طرطش على كمي..يا حبيبي بطل جفا وارحم عذاب امي
- اكتب الجملة السابقة ثلاث مرات بثلاث خطوط.. موبينيل
وفودافون واتصالات.. كما يمكن التحويل من خط لخط بنفس الرقم.. فقط اتصل
بخدمة العملاء

مع أطيب تمنياتنا بالتوفيق